ਬਾਹਰ ਨਿਕਲ ਖਲੋਂਦੀ ਹੈ | ਮੈਨੂੰ ਸਿਮਰਨ ਵਾਲੇ ਦੀ ਪਹਿਲੀ ਉਡਾਰੀ, ਵੈਸੇ ਹੀ ਸੋਹਣੀ ਤੇ ਚੰਗੀ ਲਗਦੀ ਹੈ, ਜੈਸੀ ਕਿ ਨਿੱਕੇ ਜਿਹੇ ਚਿੜੀ ਦੇ ਬੋਟ ਦੀ ਪਹਿਲੀ ਉਡਾਰੀ |

ਹਾਂ ਜੀ! ਸਿਖਫ਼ਕੀਰ, ਬਿਹੰਗਮੀ ਮਾਰਗ ਚਲਣ ਵਾਲੇ ਲੋਕ ਹਨ | ਜਦ (ਨਾਮ ਦੇ) ਖੰਭ ਨਿਕਲ ਪੈਂਦੇ ਹਨ, ਤਦ ਇਹ ਉਨ੍ਹਾਂ ਆਕਾਸ਼ਾਂ ਵਿਚ ‘ਉਡਦੇ’ ਹਨ - ਜਿਨ੍ਹਾਂ ਦੇ ‘ਚਾਨਣ’ ਨਾਲ - ‘ਕਵੀ’ ਹੋਰਾਂ ਦੇ (ਅਕਲ ਦੇ) ‘ਪਰ’ ਸੜਨ ਲਗਦੇ ਹਨ |

ਹਾਂ ਜੀ! ‘ਸਿਮਰਨ ਦਾ ਜੀਵਨ’ - ‘ ਖਮੀਰ ਦਾ ਜੀਵਨ’ ਹੈ | ਇਹ ਖਮੀਰ ਗੁਰਸਿੱਖਾਂ ਪਾਸੋਂ ਮਿਲਦਾ ਹੈ | ਤਦੇ ‘ਆਇ ਮਿਲੁ ਗੁਰਸਿਖ ਆਇ ਮਿਲੁ’ ਦੀ ਪ੍ਰਾਰਥਨਾ ਸਤਿਗੁਰਾਂ ਨੇ ਸਿਖਾਈ ਹੈ |

ਬਿਨਾਂ ਗੁਰਸਿਖਾਂ, ਗੁਰਮੁਖਾਂ ਦੇ ਖਮੀਰ ਦਿੱਤੇ ਸਿੱਖੀ ਨਹੀਂ ਮਿਲ ਸਕਦੀ | ‘ ਅੰਮ੍ਰਿਤ ਛਕਾਉਣਾ’ ਇਸੇ ‘ਗੁੱਝੇ ਖਮੀਰ’ ਦੀ ‘ਰਾਸ’ ਦੇਣੀ ਹੈ, ਤੇ ਹਾਂ ਜੀ | ਸਿਖਾਂ ਦੀ ਪਹਿਲੀ ਲੋੜ ‘ਸਿਮਰਨ ਦੇ ਖਮੀਰ ਦਾ ਜੀਵਨ’ ਹੈ |

‘ਧਿਆਨ’ ਸਿਖਫ਼ਕੀਰ ਦਾ ਸੌਖਾ ਹੈ -

ਹਾਂ ਜੀ | ਸਿਖਾਂ ਦਾ ‘ਧਿਆਨ’ - ‘ਪ੍ਰੀਤ-ਨਿਰੰਕਾਰੀ’ ਵਿਚ ‘ਨਸ਼ਟ’ ਹੋਣ ਦਾ ਨਾਮ ਹੈ |

‘ਹੱਡੀ, ਮਾਸ, ਚਮੜਾ, ਲਹੂ, ਮਿੱਝ, ਮਨ, ਬੁੱਧ, ਅਹੰਕਾਰ ਤੇ ਕਾਮ, ਕ੍ਰੋਧ, ਲੋਭ, ਮੋਹ, ਇਨ੍ਹਾਂ ਸਭਨਾਂ ਨੂੰ ਮੋੜ-ਮੋੜ ਸਤਿਗੁਰ ਦੀ ਪ੍ਰੀਤ ਦੇ ਰੰਗਾਂ ਵਿਚ ਰੰਗਣ ਚਾੜ੍ਹਨੀ, ਇਹ ਸਿੱਖਾਂ ਦਾ ‘ਧਿਆਨ’ ਹੈ -

‘ਜੀਉਂਦੇ-ਮੋਏ’ ਹੋਏ ਦਾ ਨਾਮ - ‘ਸਿੱਖ’ ਹੈ |

ਸਤਿਗੁਰਾਂ ਦਾ ਬੈ-ਖਰੀਦੁ ਗੋਲਾ ਬਣਨ ਦਾ ਨਾਮ ‘ਸਿੱਖ’ ਹੈ | ਭਾਈ ਮੰਝ ਜੀ ਦੀ ਸਾਖੀ ਯਾਦ ਕਰੋ |

ਸਿੱਖੀ ‘ਧਿਆਨ’-ਸਤਿਗੁਰਾਂ ਦਾ ‘ਹੋ ਰਹਿਣ’ ਦਾ ਨਾਮ ਹੈ | ਤੇ ਅਖੰਡਾਕਾਰ ਪ੍ਰੀਤਮ, ਸਤਿਗੁਰਾਂ ਤੋਂ ਨਾ ਵਿਛੜਨਾ ਹੀ - ‘ਧਿਆਨ’ ਹੈ |